Tuladha teks pranata adicra tentang kegiatan sekolah

Assalamualaikum Warohmatullahi Wabarokatuh.
Alhamdulillahi robbil ‘alamin, washolatuwassalaamu’ala asrofil ambiyaa-I wal mursalin wa ‘ala aalihi wa ashaabihi ajma’iin.

Asyhadu allaa ilaahaillallahhu wa asy hadu anna muhammadan ‘abduhu war rosuluh. Allahhumma sholli ‘ala Muhammad, wa ala ali Muhammad, amma ba’du.

Nuwun…

Panjenenganipun bapak ketua konsorsium yayasan mulia ingkang satuhu kinakbeten. Panjenenganipun bapak kepala sekolah SMPIT Abu Bakar Yogyakarta ingkang dahat kinurmatan. Para sesepuh dalah pinisepuh saha tamu undangan ingkang anggung masturi dhumateng pepoyaning kautamen.

Langkung rumiyin ngengeti kula sedaya titah sawantah ingkang pinurba kawasela dning Gusti ingkang maha kuwaos. Pramila sumangga angunjukaken puja-puji syukur dhumateng panjenengan-Ipun ingkang sampun kepareng ngrentahaken rahmat lan hidayah –Ipun wah malih kawilujengan saengga kula sedaya saged anjenengi ing siang menika kanthi winantu ing suka basuki  lumintua ing salami-lami. Aminn...

Salajengipun ingkang menika keparenga kula badhe nyendikani dawuh timbalanipun nun inggih angaturaken menggah ingkang dados rantaman racikaning titi laksita wiwahan pinanganten ing wekdal menika:

Sepisan. Minangka purwaning atur inggih menika pambuka kanthi ndedonga manut keyakinanipun piyambak-piyambak, wondene ingkang ngrasuk agama islam menawi wonten keparengipun sumangga kula dherekaken maos lafal basmallah.[maos basmallah].

Tumapaking adicara salajengipun inggih menika waosan tilawah Al-Qur’an ingkang badhe di waosaken dening ananda Rizky Fakhrurozi. Sumangga katur….[maos Al-Qur’an].

Tumapaking adicara ingkang kaping tiga inggih menika atur pangandikan saking Bapak kepala konsorsium yayasan mulia. Wonten ngarsanipun bapak Eri Maskuri sumangga katur…[sambutan Bapak Eri Maskuri].

Tumapaking adicara ingkang kaping sekawan inggih menika atur pangandikan saking Bapak kepala SMPIT Abu Bakar Yogyakarta. Wonten ngarsanipun Ustadz Akhsanul Fuadi S.Ag M.PdI sumangga katur….[sambutan Ustadz Fuad].

Tumapaking adicara ingkang kaping gangsal inggih menika hangaturaken ijazah dhumateng siswa-siswi SMPIT Abu Bakar Yogyakarta angkatan XI. Ingkang badhe dipunaturaken dening Bapak kepala SMPIT Abu Bakar Yogyakarta. Wonten ngarsanipun Ustadz Akhsanul Fuadi S.Ag M.PdI kasumanggakaken ngaturaken tandha lulus….[ ngaturaken tandha lulus dening Ustadz Fuad].

Tumapaking adicara ingkang kaping enem inggih menika hangaturaken tandha tresna dhumateng  siswa-siswi berprestasi.

Tumapaking adicara ingkang kaping pitu inggih menika hiburan pungkasan saking E-Force angkatan XI SMPIT Abu Bakar Yogyakarta. [hiburan saking E-Force].

Tumapaking adicara ingkang kaping wolu inggih menika do’a ingkang badhe dipunwaosaken dening Ustadz Khudori, Lc. Wonten ngarsanipun Ustadz Khudori, Lc kasumanggakaken…. [maos do’a].

Para rawuh ingkang gadah kinabekten, saderengipun titi laksita kapungkasi, ing mbokbilih anggen kula nglarapaken rantamaning lampah menika kathah tuna dungkap kepara mlenceng saking leres, pramila kula namung tansah nyenyadhong tumetesing sih samodra pangaksami.

Tumapaking adicara ingkang pungkasan inggih menika panutup. Sumangga kula dherekaken amungkasi pawiwahan menika kanthi maos hamdallah. Sumangga.. [maos hamdallah].

Wabillahitaufiq wal hidayah.

Wassalamualaikum warahmatullahi wabarakatuh.